Chauffeur bebi a dal security di pompstation cu auto

Diasabra den careda di 12’or di marduga net na altura di e pompstation Esso Ville autoridad ta keda informa cu tin un homber benta abou herida y lo tin basta hende rond di esaki, di biaha a capta movecion di patruya policial cu a acudi di biaha ne sitio.

Ne sitio por a compronde cu e hyundai accent maneha pa un hende homber pa un of otro motibo no a mira e peaton cu ta un security cu ta cuida e pompstation y a dal e cu auto basta duro y consecuencia e homber a cay herida su curpa y fractura e pia.

Ne sitio Polisnan a pone e chauffeur di e accent pasa test di alcohol y el a surpasa esaki y a keda deteni. Personal di Ambulance a atende cu e homber herida benta abou y a bay Hospital pa haya atencion medico.