Chauffeur bebi a dal borchi bula caminda over y dal den tuberia principal di WEB

Diasabra anochi dilanti di Web Nv na Balashi personanan a mira un accidente y a reporta di biaha na polis. Patruya ta presenta di biaha y topa cu un pickup isuzu pega riba algun tuberia principal di Web y basta awa tabata bay halto.

Cu presion e awa ki tabata bay halto, ta mustra cu e ta un tuberia cu ta sali di Web pa bay pa otro destinacion. A notifica e personal di Web pa manda e tecniconan pa mira e trabou cu sigur ta bay ta grandi. Polis a mira cu e homber tabata herida pero e no tabata desea di ambulance, y a detene pa core auto bebi y vehiculo di transporte a busk’e y a keda transporta pa warda di Polis.

Personal di Web a presenta rato despues pa e trabounan cuminsa.