Chauffeur a subi rotonde Seroe Patrishi cu pickup ranca cadushi para otro bandi caminda

Diadomingo marduga den presencia di Polis cu tabata na rotonde PaperClip Seroe Patrishi a mira con un accidente ta sosode nan dilanti caminda chauffeur di un pickup isuzu a bula e rotonde over ranca cadushi y bay para den banda contrario.

No tabatin ningun persona herida, polis a constata cu e chauffeur di e pickup ta bebi y a keda deteni n’e sitio mes. Na final takelwagen a presenta y pone e pickup banda di caminda.