Chauffeur a slip riba rotonde Driemasterstraat y a ranca pal’i luz y cashi coriente

Diadomingo pasa di 11:45 anochi riba rotonde Driemasterstraat na Madiki chauffeur di un mitsubishi suv a slip cu e auto debi na caminda muha y a bay straight subi acera y dal contra un pal’i luz y un cashi coriente.

E auto a keda den banda y riba e pal’i luz. Patruya di Oranjestad tambe a presenta n’e sitio y a mira e situacion y a constata cu tin hende levemente herida. Ambulance a keda solicita unda paramedico a haci e control necesario n’e chauffeur.

Personal di Elmar tambe a presenta pa mira e situacion y a notifica esnan encarga.