Chauffeur a lubida riba rotonde y a dal kibra auto completamente riba dje

Diahuebs marduga riba Av Nelson Oduber ‘Sasakiweg” Chauffeur di un chevrolet captiva a lubida riba e rotonde biniendo di nort y a perde control plama e auto completo riba e muraya cu tin rond di e rotonde. E impacto tabata fuerte, e auto mes a keda totallos, pero e chauffeur a keda levemente herida.

Polis a presenta di biaha n’e sitio y a mira e situacion. Ambulance tambe a presenta unda paramedico a brinda asistencia n’e chauffeur levemente herida.

E auto a keda full destrui y takelwagen di seguro a presenta pa bay cu e auto su destino.