Chauffeur a baha caminda ranca pal’i luz y bolter drenta mondi riba Sasaki

Diadomingo den careda di 3:30 marduga polis a keda informa cu riba Sasaki poco pariba di ex house of cheng un auto a bolter drenta mondi, di biaha a dirigi patruya di Noord pe sitio. Na yegada di e unidad ta topa cu solamente pal’i luz benta abou, pero nada di auto. Polisnan a cana pa wak y a constata cu e auto mes ta hinca den e mondi riba su dak.

E chauffeur a logra sali y ambulance tambe a presenta y paramedico a brinda asistencia ne chauffeur hoben. Familiar tambe a presenta y nan a keda encarga cu e auto. Elmar su trucknan tambe a yega pa asina cuminsa cu e trabounan necesario.