Chauffeur a baha caminda dal y ranca pal’i luz na Jaburibari

Diadomingo mainta trempan habitantenan di Jaburibari a scucha un desordo fuerte y ora a bay wak a tuma nota cu rib’e caminda pa bay Calbas chauffeur di un suzuki alto blanco a baha caminda dal y a ranca un pal’i luz completo.

E impacto tabata fuerte e auto a keda destrui, un persona a keda levemente herida. Polis tabata presente pa tuma dato y a cera caminda debi cu tabatin kabelnan di coriente ta colga. Ambulance tambe a presenta y paramedico a haci control rib’e persona.

Personal di Elmar tamba a keda poni na altura.