Diasabra 27 di juli 2024, Centro di Bario Savaneta ta presenta pa prome biaha su Walk Dance for Funds 3.5KM den e bario di Savaneta. Eactividad ta cuminsa cu un Fun Walk cu lo sali y regresa bek na Centro di Bario Savaneta. Na regreso lo sigui cu un ora di Zumba pa tur esnan presente. Meta di e actividad ta pa recauda fondo pa material deportivo pa e Centro di Bario y na mes momento trece e comunidad hunto cu actividadnan sano pa henter famia.
Ademas, e aña aki Centro di Bario Savaneta ta bek cu su camp pa muchanan y
hobennan den e bario di Savaneta y becindario, danki na e aporte di Super Food Plaza Aruba y CEDE Aruba. Di 29 di juli pa 2 di augustus 2024 ta tuma luga e Kids Summer Camp pa muchanan di 6 pa 12 aña cu diferente actividad pa nos muchanan cu lo culmina cu un Splash Day. E siguiente siman di 5 pa 9 di augustus 2024, Centro di Bario Savaneta tin su Extreme Teen Camp pa di dos aña consecutivo specialmente pa nos hobennan di 12 pa 17 aña cu diferente actividad activo pa nos hobennan cu lo culmina cu un Escape Room.
Asina aki Centro di Bario Savaneta ta ofrece actividadnan pa nos muchanan, hobennan y pa disfruta como famia durante e temporada di vakantie. Pa mas
informacion di nos actividadnan of inscripcion, por tuma contacto cu nos Programmaleider Vanessa de Kort na [email protected].
Bishita y like nos pagina di Facebook pa keda al tanto di e diferente actividadnan cu Centro di Bario di Savaneta ta ofrece durante henter aña pa tur
edad. Centro di Bario Savaneta ta un centro di recreacion y comunidad unda cu grandi ychikito por bini hunto pa promove e desaroyo mental, social y fisico.
Follow the story