Diabierna fo’i 4’or di marduga caba e sistema di airco a cuminsa alarma di un problema cu cooler, y a cuminsa bay wak unda e fayo ta y asina por garantisa cu airport por habri 7’or. Momento cu a haya e indicacion kico t’e problema unda e sistema di chiller cu t’e sistema di awa unda e presion di awa a baha y cu tin un perdemento di awa. A cuminsa cu investigacion pa sa unda e ta, y a cuminsa busca bou di tera pa haya e kraak y a indentifica e problema unda e tubo principal e mas diki cu ta suply e principal cu a scheer rementa y kibra Door di esaki e edificio no por a fria debi cu e no ta haya awa frieu.
Banda di 8’or a identifica e problema y ya tabatin varios pasahero den airport y asina a para e operacion un rato pa pasaheronan usa e terminal. Ora a constata cu e temperatura a yega 30 grado cu e vloer a bira awa cu hende por slip y a saca tur persona tanto, pasahero, personal cu ta traha. Pa Airport siguridad ta principal, hunto cu departamento di aviacion, Gobierno informa y otro instancianan a informa pa cera airport.
Momento cu a detecta e problema, a topa cu e buraco mas di 2 meter bou awa, a usa pomp pa saca awa y asina busca e problema, pa yega na dje y traha na dje mester kibra full e infrastructura y e tubo. Airport a yama tur e companianan cu ta traha cu Airport pa duna un man di biaha, e pieza y ekiponan a yega di biaha.
Tabata un diabierna y dia druk mas cu 4 mil pasahero pa drenta y sali y mester a tuma e decision pa uno nan no bin airport debi cu no por haci e trabou di check in, y a yama hotelnan pa informa cu turistanan no por presenta.
Ora a mira e problema a yama CMO, unda cu como Airport so no por handel e situacion, debi cu tabatin casi 4 mil turista pafo pa check in. A duna garantisacion cu e turistanan a keda na hotel y a paga cuminda y mas cos.
Momento cu a cera airport a desvia avionnan pa Curacao, y Puerto Rico, mester a informa exterior pa no laga avion bin Aruba debi cu Aruba mes tabata yen. Y banda di 5’or a realisa cu mester cera Airport completo, pa asina cu e hotelnan cu tin espacio pa e turistanan cu mester a bin awe ta keda cancela debi cu vuelo no por baha y asina crea espacio pa esnan cu ta pega na Aruba.
Diasabra tin vuelo normal cu tin 5 mil turista pa drenta sali, tin 9 pa 10 vuelo cu ta confirma cu nan ta regresa Aruba bek problema cu e drukte cuminsa y crea espacio pa esnan cu ta yega mayan.
Debi cu ta problema cu Airport, Airport ta cubri e gastonan y a informa e Aerolineanan.
Follow the story