Candela den un cas na Mandolinstraat

Diaranson merdia gai cora a canta den bario di Tarabana den Mandolinstraat un persona pasando a mira huma saliendo foi un cas y a bati alarma di biaha na autoridad. Di biaha a mobilisa polis y brandweer cu maximo urgencia. Na yegada di e unidadnan ta topa cu di berdad basta huma saliendo foi dilanti di e cas y parti di e camber.

Bomberonan a drenta accion rapidemente pa combati e candela den e cas. E propetario di e cas tambe tabata presente pa pone su mes na altura di e situacion. Polis a tuma dato. Bomberonan a inspecciona full e cas pa cu e situacion di e candela.