Candela den edificio di Burger King na Kamerlingh Onnesstraat

Kamerlingh Onnesstraat – Dialuna atardi alarma a wordo bati pa candela den establecimiento di Burger King situa den Kamerlingh Onnesstraat.

Huma preto tawata sali for di ariba dak.

Mesora brandweer a sali pa e adres, mientrastanto polis a cera e pasada dilanti e edificio unda cu brandweer a yega cu su truck nan pa cuminsa combati e candela.

Na e sitio nos a compronde cu e candela a cuminsa durante cu tawata tin cliente den e luga. Den cushina tawata e luga unda tur cos a cuminsa.

Durante cu e candela lo a cuminsa expande, tur hende a move di e edificio, pa nan mesun seguridad.

Elmar tambe a presenta pa kita e coriente, pa asina e bomberonan haci nan trabou mas trankil.

Esnan concerni lo mester haci e investigacion/inspeccion necesario pa mira kiko a causa e candela cu den un rato por a caba cu e edificio por completo.

Bon trabou di bomberonan di Aruba.