Candela den cas na Hooiberg

Diabierna pasa di 11:45 anochi habitantenan di Hooiberg a tuma nota di basta huma saliendo fo’i un cas y a bati alarma na centro di alarma. A despacha brandweer y polis cu urgencia p’e sitio.

Na yegada di Polis ta topa cu basta huma saliendo fo’i e cas y a pidi brandweer cu maximo urgencia. Bomberonan a yega di biaha y kibra e porta drenta paden y a domina e candela. No tabata un candela grandi, esaki a keda domina rapidamente. No tabatin ningun hende n’e cas.