Connect with us
MVP Ad

CAFT TA MENASA CU “AANWIJZING”

Caribean

CAFT TA MENASA CU “AANWIJZING”

CAFT TA MENASA CU “AANWIJZING”

CAFT TA MENASA CU “AANWIJZING” – ORANJESTAD.- Minister di Finanza, Xiomara Ruiz Maduro dia 10 di juni ultimo a reacciona riba e consehonan di CAFT pa loke t’e prome UR (Uitvoeringsrapportage) di presupuesto 2019. Loke ta straño ta cu e reaccion di Minister di Finanza di Aruba Xiomara Ruiz Maduro, no a wordo haci publico dor di Gobierno, manera CAFT ta publica di nan riba nan website.
E Colegio di Supervision a reacciona basa riba e LAft actual (2015) y e Protocol firma na november ultimo cu Gobierno di Hulanda, pa tuma un direccion di finanza publico solido, transparente y sostenibel.
Pa cuminsa nan ta bisa cu ta parce cu e intencion di e Minister ta pa no sigui algun sugerencia di CAft y den algun di e consehonan CAft ta mira cu e mandatario no ta splica cla te con leu y di ki forma e lo tuma of sigui e consehonan ey.

Un di e consehonan ta cu mester percura cu e presupuestonan di pais Aruba y esun di IBSCP (Interim Begroting Sociaal Crisis Plan) mester wordo adapta p’asina e gastonan di personal (inclusive e contribucion como doño di trabou) di pais Aruba y esnan di IBSCP ta maximalmente 479 miyon florin.

Den e raportahe ta para cu el a baha, pero no ta bisa si a inclui e gastonan di personal di IBSCP ta wordo financia dor di nan mes of con e ta afecta e reduccion nominal di e gastonan aki. Pero e reaccion di e Minister ta mustra cu e no tin pensa pa pone e gastonan di personal aki hunto, pues lo no cumpli cu e norma di 479 miyon di gasto di personal.

Nan a pidi e Minister un mihor splicacion di e medidanan pa spaar den e “Beleidsplan
Verlaging Personeelslasten” (BVP). Awor e Minister ta haci su mes loco of ta pa gana tempo, pero ta pidi CAFT pa un mihor splicacion riba e conseho aki.

CAFT ta bisa cu ta trata aki di suma cu a wordo poni pa busca hende p’e vacaturanan existente. A constata cu enbes di baha, si tene cuenta cu resto di aña y loke mester wordo yena ainda, e suma di e post aki ta mas halto cu e 7.5 miyon cu Gobierno a pone.

“No por papia di Besparing” anto,” CAFT ta bisa.
A pidi e mandatario tambe pa tene cuenta cu e gastonan di Salubridad Publico ta subiendo. Den cuadro di esaki a haya un carta den cual Minister Ruiz Maduro a pidi su colega encarga cu e cartera ey pa haci un investigacion na AZV y Salubridad Publico.

Pero e no ta bisa ki accion ta wordo tuma pa controla e resultado financiero di e sector aki den 2019, p’asina Aruba cumpli cu e norma di 0.5% di deficit.

Un biaha mas den e carta aki ta pidi e Minister haci e control mensualmente pa por tin un mihor bista, y duna un informe tur luna di e situacion.
CAFT ta bisa Gobierno cu e presupuesto di pais Aruba mester ta dirigi pa logra un finanza publico sostenibel.
Na final CAFT ta pidi e Minister pa no mas tarda 28 di juni awor, indica den un carta na CAFT con e tin pensa di ehecuta e consehanan cu a duna nan.

Si CAFT constata cu no ta sigui di forma suficiente e consehonan, cu ta trece cun’e cu tin un presupuesto cu no ta cumpli cu e normanan, CAFT lo informa Conseho di Minister di Reino riba esaki. Nan ta bisa cu esaki por bay cu un conseho motiva di un “aanwijzing”.

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!