Cacho a morde paramedico na pia cu a bay yuda homber benta abou dilanti airport

Dialuna den oranan di atardi dilanti di Airport otro banda di caminda, autoridad a keda informa cu tin un homber benta abou den yerba y e no ta move, di biaha a mobilisa polisnan y ambulance p’e sitio. Na yegada di e prome unidad di ambulance a topa cu un homber benta abou berdad den e yerbanan. Polis tambe a yega mes momento.

Mientras cu paramedico ta brindando asistencia un cacho a yega cerca y ataca e paramedico na su pia, y aki e paramedico a cuminsa core pa bay drenta den ambulance, y e cacho brabo tambe kier a drenta ambulance tambe pa sigui ataca e paramedico. Polisnan cu net a yega mira e situacion tabata cla pa actua, pero a logra haci tacticanan y e cacho a logra di bay. Asina paramediconan por a sigui brinda asistencia medico n’e homber benta abou y a keda transporta pa hospital.