Cacho a crusa caminda causa cu motociclista a dal abou keda herida

Dialuna atardi riba caminda di Sabana Grandi un cacho a sali foi un tereno di un cas subi caminda y causa cu un homber riba brommer a dal abou slip y keda herida cu heridanan na su brasa. Polis di trafico y ambulance a keda dirigi di biaha pe sitio. Ambulance tabata basta ocupa cu diferente asistencia e momento ey. Un personal medico a yega ne sitio pa brinda yudansa mientras ambulance ta na caminda.

Polis di trafico a tuma dato di tanto e homber riba e brommer y a duna di conoce e ta biniendo di nort y e cacho ta sali di un cura di cas pariba y asina crusa su dilanti y aki e no por a haci mucho y e brommer a dal mata e cacho. Polis a tuma dato tambe di e propetario di e cacho.