Cabaynan di Curacao den preparacion pa nan biahe pa Aruba

Preparacion grandi ta tumando lugar pa asina por ricibi 19 cabay di Curacao pa participa den e “Clasico Internacional” cual lo tuma lugar riba dianan 31 di Januari, Februari 1 & 2 na Villa Floralina. E prome stap den e proceso aki ta pa veterinario tuma sanger di tur cabay pa manda esaki pa Estados Unidos pa test pa asina cumpli cu tur rekisito di parti Veterinaire Dienst di tanto Aruba como Curacao. Unabes ricibi e resultadonan di test, ta sigi pa traha un Certificado di Salud pa tur e cabaynan, hunto cu tur e papeleo necesario pa tijdelijke invoer di e cabaynan, ademas di ekipo y trailer pa nan biaha riba Don Andres rumbo pa Aruba. E cabaynan lo ta hospeda na diferente rancho durante nan estadia na Aruba prome cu nan bolbe bek pa Curacao. OCA ta gradici tur esnan cu ta yudando pa haci e evento aki un realidad.