Bululu un biaha mas n’e skina cayente di Pindastraat

E tension a subi bek diahuebs anochi na e famoso t-weg Pindastraat y Mandolinstraat den Tarabana, tabatin tiramento di baranca, palabra y por poco cos a casi bay fo’i man, y hendenan di biaha rond a yama polis y aki ta momento cu a despacha cantidad unidad policial di biaha.

Na yegada di patruyanan ya esunnan mes mes cu a busca e problema y menasa a bula cura manera bay den area mas pariba pa polis no garanan. Pero polis a haya sa ta kende nan ta caba. E situacion tabata tenso un rato momento cu polis tabata presente cu tiramento di palabra.

Lo tin algo di haber cu e caso ultimo cu a pasa n’e cas pabou cu famianan y e grupo n’e cas pariba tambe a cay den e asunto cu a pone cu situacion a bay full foi man. Polisnan a bay atende cu e cas parti pabou y e cas parti pariba p’e situacion calma y evita cu polisnan tin cu bolbe bin.