Brote di Norovirus riba barco: Aruba ta permiti virus drenta pa loco y Curacao ta prohibi pasahero baha

Na Aruba tur cos ta posibel ora ta trata e malo, pesei nos ta unda nos ta un isla yena cu griep virus y departamentonan di Gobierno ta manera i dont give a dam laga e pueblo muri.

Ora bo puntra no no tin nada ta coy kens, pero Curacao si ta actua.

Un isla ora cu negligencia medico cobra bida di hende bon por actua demands pero na Curacao un negligencia di dokter haci cu un hende muri, bo demanda e dokter hues si ta mida e caso y sentencia.

Ta asina cu foi december 2024 Curacao tin bista riba un barco crucero Eurodam cu ta yena cu Norovirus y ya december caba a pone un prohibicion pa laga pasaheronan baha. E barco Eurodam tabata ancra na Waf di Oranjestad dialuna 24 di februari, nos a haya informacion cu te hasta ambulance a presenta na waf pa hende malo den oranan di anochi. Ta desconoci si Aruba si a permiti laga pasaheronan baha.

Aki e cominicado di salubridad Curacao

Desishon pa No Permiti Desembarko di Pasaheronan i Tripulante di MS Eurodam na Kòrsou 24 di februari 2025.

Ministerio di GMN a anunsiá ku ningun pasahero ni tripulante di e krusero MS Eurodam lo ta permití pa desembarká na Kòrsou.

E desishon aki ta basá riba un aumento signifikativo di kasonan gastro-intestinal ku tin aktualmente presente na bordo di e barku.

Segun investigashonnan realisá pa Ministerio di GMN i CDC  di Merka (Center for Disease Control and Prevention) a raportá ku e krusero Eurodam a eksperensiá un brote di Norovirus durante e periodo di desèmber 2024 te janüari 2025.

Adishonalmente, un otro barku di e mesun liña di krusero,MS Rotterdam,tambe a konfrontá un brote di Norovirus den e luna di febrüari 2025.

Norovirus ta un virus konosí pa su kapasidat di sobrebibí riba superfisie pa un tempu largu, i esaki ta aumenta e riesgo di transmishon.

Debí na e aumento di kasonan gastro-intestinal na bordo di e MS Eurodam,Ministerio di GMN a evaluá e situashon i a tuma e desishon di no permití desembarko di pasaheronan ni tripulante.

E desishon aki ta forma parti di e medidanan di prevenshon pa protehá e salú i bienestar di e komunidat lokal.

Ministerio di GMN ta komprometé ku e seguridat di salú di tur i ta sigui monitorisá e situashon di serka.

Ministerio di GMN ta apelá na e kooperashon di tur parti interesá i ta garantisá ku tur medidanan nesesario ta ser implementá pa prevení kualke riesgo di salú públiko.