Bouncernan di club nocturno a bati personanan bebi pa nan no drenta

14

Diadomingo den careda di 3:30 marduga Polis a keda informa di un pelea formal tumando luga pafo di lekker bar direccion pabou pe parkeerplaats. A mobilisa varios unidad policial pe sitio ya cu tabatin avalancha di hende ne sitio y tabatin un pelea cu basta hende aden.

Avalancha di hende y pelea formal
Patruyanan di diferente districto a presenta di tur skina pa duna un man, y a staciona pabou di lekker a topa cu grupo di hende riba caya y esnan envolvi. Polis a combersa cu varios persona y a constata cu bouncer a agredi algun homber bebi y no tabata kier nan drenta.

Bouncernan envolvi den agresion
Polis a combersa cu varios testigo pafo cu a mira loke a sosode tabata un combersacion di basta rato, y Polisnan por a mira e hombernan cu herida na curpa pero no tabata kier ambulance. Polis a consehanan pa bay Eerste Hulp laga dokter atendenan pa cu e golpinan y dialuna bay recherche entrega denuncia.

Graba pa camaranan di vigilancia 24/7
Maske cu tur rond di e area ey na tur club y of bar tin camaranan di vigilancia di Cuerpo Policial cu tin tur cos graba, na prome instalacion a anuncia cu tur lugarnan cu tin aglomeracion di hende bar/club lo tin camaranan di Polis cu ta monitor movecionnan 24/7 y tin te hasta borchi di indicacion riba caya, esaki ta pa siguridad di tur hende y mas control riba caya.