Connect with us
MVP Ad

BONEIRU TA SPERA DI HAÑA ALGUN MION

Caribean

BONEIRU TA SPERA DI HAÑA ALGUN MION

BONEIRU TA SPERA DI HAÑA ALGUN MION

BONEIRU TA SPERA DI HAÑA ALGUN MION – KRALENDIJK.- Boneiru ke un 12 mion asina pa akohida grátis pa mucha den e lucha kontra pobresa. Esaki diputado Nina den Heyer a anunsiá durante su bishita di trabou siman pasá na Den Haag segun un artíkulo di Koninkrijksrelaties. nu.

E plaka aki ta nesesario pa ataká e problemátika di pobresa, Den Heyer a bisa. “Hasta ku dos trabou kasi bo no por biba na Boneiru.” E promé kos ku e ta pensa? “Di un señora ku ta hasi su bèst pa kuida su dos yunan chikitu. Ku dos trabou, i tòg e no ta logra gana sufisiente plaka.”

“E hendenan aki tin poko tempu i ta neglishá e muchanan. I tambe tin mayor ku strès króniko tòg mester sigui traha”, e diputado ta atvertí. “Awor nos tin ku hasi algu ku esei.”

Kòmbersashon ku Den Haag

Den Heyer a papia tambe ku miembronan di parlamento. Tambe el a papia ku sekretario di estado Tamara van Ark (Asuntu Sosial), kende kuminsando e ana aki, strukturalmente ta pone 3 mion euro disponibel pa akohida pa mucha na Boneiru, Saba i Sint-Eustatius. Ta entre otro grasia na lòbimentu di Den Heyer ku esaki a logra, miembronan di parlamento ta bisa.

“Tres mion ta zona hopi, pero en bèrdat e ta leu di ta sufisiente. Si bo ke hasi e trabou bon, e ora ei bo mester di 12 mion euro asina e ta bira aksesibel pa tur hende, independiente di bo entrada.”

Plan pa kombatí pobresa

Ku e plan mionario lo solushoná diferente problema relashoná ku pobresa den ún tiru, e kolegio ehekutivo nobo ta spera. Ménos strès pa mayornan ora nan mester traha i ‘muchanan ta bini den un ambiente seif den kua nan por sigui desaroyá nan mes’.

Den Heyer ta mustra ku e plan aki pa akohida pa mucha grátis ta bini mas trabou. Tambe tin chèns pa e promé cao pa un sektor boneriano. Si e plan aki logra, e ora ei segun Den Heyer lo por garantisá tambe kalidat pa tur akohida. “Ku e diesdos mion ei, por pone salario di personal na un nivel normal, pa prevení ku nan ta bai otro sektor. Pasobra esei bo ta mira awor aki kaba.”

Klaridat e aña akí?

Si e aña aki ta bini klaridat tokante akohida pa mucha grátis, i si gabinete ta bai pone sèn pa esei, ta un pregunta. Pero esei ta meta di Den Heyers pa e aña akí. “Kasi mi no ta tribi bisa, pasobra e espektativanan na Boneiru ta haltu. Mesora despues di elekshon, hendenan tabata bisa mi literalmente: awor kos ta bai kambia.”

Segun e diputado, por nota un aktitut positivo i proaktivo serka ámtenarnan i polítikonan hulandes. “Awor mi tin ménos e sintimentu ku e islanan ta nan so kompará ku durante e gabinete anterior.”

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!