Connect with us
MVP Ad

BONEIRU NO A SINTI EFEKTO DESAPARISHON INSELAIR

Caribean

BONEIRU NO A SINTI EFEKTO DESAPARISHON INSELAIR

BONEIRU NO A SINTI EFEKTO DESAPARISHON INSELAIR

BONEIRU NO A SINTI EFEKTO DESAPARISHON INSELAIR – KRALENDIJK.- Boneiru definitivamente no a sinti efekto grandi di e desaparishon di Inselair den e último simannan di aña pasá. E kompanianan di aviashon Dividivi, Winair i EZAir a logra akomodá pasaheronan ku ta biaha entre Boneiru i Kòrsou hopi bon. EZAir a bini nèt na tempu ku su avionnan Beechcraft 1900D, miéntras ku ampliashon di e flota di Dividivi ku avionnan Twinotter a pone ku transporte di pasahero entre e islanan aki a normalisá.

Den e temporada aki aña pasá tabata reina hopi preokupashon pa e direkshon ku Inselair tabata bayendo. Tabatin tur indikashon e tempu ei ku Inselair lo no por a sigui mas ku nan operashon.

Nan a redusí nan buelonan pa Boneiru i tabata bula finalmente ku un avion Fokker 50 so. Mientrastantu den e tempu ei tabata konosí kaba ku Dividivi lo a bai amplia su flota ku avionnan Twinotter i ku EZAir lo a kuminsá operá ku dos avion Beechcraft 1900D. Ta loke a sosodé tambe, anke ku a tarda basta promé ku EZAir por a haña pèrmit pa kuminsá bula den fin di aña pasá.

Mientrastantu por ripará ku transporte di pasahero entre e islanan ABC, prinsipalmente entre Boneiru i Kòrsou, a normalisá. Ademas di Dividivi i EZAir, ku a pèrkurá pa yena e bashí ku Inselair a laga tras, no mester deskartá e ròl ku Winair ta hungando, usando e avionnan ku e ta hür ku tripulashon serka Air Antilles.

Avionnan di Winair/Air Antilles ta yega Kòrsou den oranan di anochi for di St. Maarten, pa despues sigui sea pa Boneiru òf Aruba riba sierto dianan pa drumi. Di mes tin pasahero ta keda Kòrsou i riba trayektonan pa sea Boneiru òf Aruba e kompania ta bende stul. Meskos ta sosodé su manisé ora ku e avion ta sali atrobe pa St. Maarten via Kòrsou. Esaki a resultá un alternativa hopi faborabel. Asta Winair a anunsiá ku den e temporada di verano aki nan lo bai a amplia nan kantidat di ‘overnight’ pa nan avionnan na Boneiru.

E avion di Air Antilles ku ta bula pa Winair ta di e tiponan ATR 42 i ATR 72, ku kapasidat pa transportá respektivamente 40 i 70 pasahero. Mas aleu mester menshoná ku Aruba Airlines tambe ta dunando su aporte den transporte di pasahero entre e islanan ABC, spesialmente pa i for di Aruba. nan base di operashon. E avion mas chikitu ku nan tabatin e kai afó. Awor nan ta usando solamente Airbus 320 den nan operashon entre e tres islanan ABC, ku ta para pa Aruba, Kòrsou i Boneiru. Na e momentu aki Dividivi te ainda ta e kompania ku ta transportando mas pasahero entre Boneiru i Kòrsou. Nan tin mas buelo, hasiendo uso di Twinotter i Islander (9 pasahero). E Twinotter tin kapasidat pa transportá 19 pasahero, pero e ta bula ku 16, debí na peso di ekipahe. EZAir su avionnan por transportá 19 pasahero.

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!