Connect with us
MVP Ad

BINGO KANTÁ UN BIAHA MAS DEN PLAZA BIEU ( PHOTO )

Photo: Extra

Local

BINGO KANTÁ UN BIAHA MAS DEN PLAZA BIEU ( PHOTO )

BINGO KANTÁ UN BIAHA MAS DEN PLAZA BIEU

BINGO KANTÁ UN BIAHA MAS DEN PLAZA BIEU – WILLEMSTAD.- Ayera mainta pa di tantísimo biaha a kanta bingo den Plaza Nobo despues ku a logra konfiská mas ku 3000 produkto i remedi ilegal den Plaza Nobo.
Tabata funshonarionan di MEO, Polis, BAB i tambe e departamentu di Inspekshon di Remedi di Ministerio di Salubridat ku a presentá na Plaza Bieu pa asina tene un kontrol.

Durante di e kontrol tabata wak dokumentonan i tambe e produkto i remedinan ku ta ser bende den Plaza.
Pa sorpresa di e funshonarionan, apesar di diferente kontrol i charlanan riba kiko por i kiko no por bende den Plaza Bieu, tòg a konstatá un kantidat grandi di produkto i remedi.
Durante di e kontrol, polisnan a gara personanan ku tabata bai skonde kos den vehíkulo i te asta kue vehíkulo i bai pone otro kaminda.

Pero tòg a kanta bingo den un di e vehíkulonan despues ku a topa ku vários saku di remedinan ilegal i prohibí.
E produktonan tabata varia den produkto pa kuido i uso personal, diferente remedi manera entre otro remedi pa doló, píldora antikonseptivo, píldora stimulante, píldora pa aborto i vários mas.
Total a konfiská mas ku 3000 produkto i remedi.

Mester menshoná ku e produkto i remedinan ku ta keda bende di forma ilegal, por tin efekto riba salu di hende mirando ku no a keda outorisá pa ta riba merkado a base di lokual na lo por kontené.

More in Local

MVP Ad
To Top
Close
error: Content is protected !!