Connect with us
MVP Ad

BIAHE PA MERCA TABATA PA TAPA BERGUENSA CU CORSOU SI A LOGRA

Caribean

BIAHE PA MERCA TABATA PA TAPA BERGUENSA CU CORSOU SI A LOGRA

BIAHE PA MERCA TABATA PA TAPA BERGUENSA CU CORSOU SI A LOGRA

BIAHE PA MERCA TABATA PA TAPA BERGUENSA CU CORSOU SI A LOGRA –  ORANJESTAD.- E decision di prome minister Evelyn Wever Croes pa biaha pa Merca pa atende e situacion di refineria di San Nicolas, ta un decision cu ta hopi laat tuma ya cu ta for di prome instancia cu gobierno Mericano a impone sancionnan contra di Venezuela, mester a haci e biahe aki pa aclaria e situacion di Aruba.

Lider di partido AVP, mr Mike Eman a mustra cu e biahe di prome minister Wever Croes mas tanto tabata pa scapa cara,  pa e berguensa cu el a haya ora cu gobierno di Corsou a informa siman pasa, cu a yega na acuerdo cu autoridadnan Merican, pa e refineria di Corsou por sigui cu su operacionnan sin problema.

Loke ta mas resaltante pa e lider di AVP ta e hecho cu ta mesun prome minister prome cu el a biaha pa Merca, a bisa cu e no ta mira futuro pa cu e reapertura di e refineria, no a haci ningun esfuerso  di biaha pa Merca ora cu mester a haci esaki y hasta awo ta bin bisa cu practicamente e refineria lo tin cu bolbe cera.

Despues cu gobierno di Corsou a informa cu el a logra un acuerdo pa cu e refineria di e isla, direpente Evelyn a hinca un biaha den otro pa bula bay Merca pa haci algo cu su gobierno mester a haci masha tempo caba pero a laga di haci.

Sinembargo e lider di AVP a mustra cu tur hende ta bon na altura di cosnan cu ta desaroyando nan mes rond di henter e situacion di e refineria na San Nicolas cu e gobierno actual, caminda tin varios grupo liga na e propio prome minister y e gobierno, cu tin interes den entre otro e compania di FSMA cu ta pertenece na gobierno di Aruba caba.

Segun Eman tin hopi grupo yega na e gobierno aki cu ta hungando un rol den background pa logra sirbi nan interesnan y tur cos ta indica cu prome minister ta siguiendo e rumbo aki y no ta interesa mas pa lucha pa reapertura di e refineria, cu lo sirbi interes di e gobierno tambe na mes momento.

AWEMainta tambe a tuma nota cu  den declaracion duna na prensa despues di su regreso for di Merca, prome minister Wever Croes no a duna ningun tipo di informacion cu su persona lo a atende cu autoridadnan Mericano, riba e suma di 180 miyon cu lo a perde y hasta caminda el a medio lanta sospecho cu lo por tin ministernan di AVP cu lo por sa di esaki.

Tambe por a nota cu prome minister a papia di abogadonan cu a compaña su persona pa atende e reunionnan aki na Merca pero no a menciona di cual bufete esakinan ta ya cu tur cos ta indica c’un biaha mas tin cierto bufete di abogado cu ta liga na partido MEP,  atrobe lo wordo paga pa e trabou aki.

Tin declaracionnan di prome minister cu ta liña recta contra su propio declaracionnan haci anteriormente y parce cu su persona no tin problema cu esaki y ta sigui conta storianan cu e ta haya importante pa conta.

Ex prome minister Eman a mustra tambe cu Aruba semper tabata un bon aliado di Merca, semper tabatin un bon relacion y por a haci uzo di bon relacion aki for di un aña y mei caba pero a prefera di no haci nada pa logra cumpli cu e proyecto aki.

E proceso di reapertura lo a tuma varios aña prome cu lo tabatin mester di crudo for di Venezuela pa esaki por ta den operacion y ta net di e espacio aki lo por a yega na un acuerdo cu autoridadnan Mericano pa haya un solucion pa e proyecto di reapertura por a continua.

AWEMainta tambe ta haya algo hopi straño e hecho cu awor despues di a bin for di Merca, prome minister Evelyn Wever Croes ta papia di e contracto cu tin, acusando Citgo di no a atende su propio interesnan na Merca y ta awo numa el a bin haya sa.

Sinembargo ta e propio prome minister semper a papia di e contract cu tin riba mesa, un contract cu su persona nunca a mustra interes pa lesa of analisa ora cu gobierno di AVP a duna posibilidad pa studia esaki y ta mas cu claro cu awor numa ta otronan tin cu informa su persona di contenido di e contract aki.

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!