Connect with us
MVP Ad

BEIBELNAN A KEDA INTAKTO DESPUES KU KAS A KIMA POR KOMPLETU DEN SUFFISANT

Local

BEIBELNAN A KEDA INTAKTO DESPUES KU KAS A KIMA POR KOMPLETU DEN SUFFISANT

BEIBELNAN A KEDA INTAKTO DESPUES KU KAS A KIMA POR KOMPLETU DEN SUFFISANT

BEIBELNAN A KEDA INTAKTO DESPUES KU KAS A KIMA POR KOMPLETU DEN SUFFISANT – WILLEMSTAD.- Djabièrnè último otro famia mas konsistiendo di un mama, tata i nan tres yunan a keda kompletamente desampará despues ku e kas ku nan tabata aden a kima por kompletu den Roerstraat na Suffisant.

Uniko kos ku a skapa di e kandela feros aki tabata kuater beibel ku tabata den e kas i ku a keda intakto.

EXTRA a hiba un kombersashon ku e famia ku aktualmente ta separá debí ku kada unu ta kedando un kaminda pa asina tin un dak temporal riba nan kabes.

E mama, sra. Bautista a konta EXTRA ku mei ora despues ku el a yega su trabou, un miembro di su famia a bin busk’é bisando ku e mester ban urgente debí ku su kas ta na kandela i ku nan no ta hañando su yunan.

E mama sabiendo ku el a sali laga su yu muhé i tambe un yu hòmber na kas, a bira kompletamente desesperá.

Na su yegada na e kas kual ya tabata kompletamente bou di kandela e mama a topa ku su yunan sano i salvo.

Un di e yu hòmbernan a indiká ku ta na momentu ku el a lanta bai baño, el a tuma nota di kandela i mesora a lanta su ruman muhé for di soño, deskonektá bòter di gas i sali pafó miéntras ku nan a mira e kas i tur nan pertenensianan kima.

Sra. Bautista a sigui konta EXTRA ku ta hopi duru pa mira tur loke bo a traha hopi duru pa yega na dje para kima i kaba na nada.

E kosnan mas prinsipal ku e famia mester di dje aktualmente ta paña pa hende muhé size M/L, paña pa hende hòmber

S/M/XL, slòf/sapatu òf kèts pa hende hòmber 43/ 44 i pa hende muhé 39/38.

Pa e yu muhé chikitu, tin mester di unifòrm di Fatima College size M.

Tambe e famia ta buskando un kas ku nan por hür den área di Suffisant, Rio Canario òf Buena Vista na un preis rasonabel, ya asina e famia por ta huntu bèk bou di un dak.

Aparte di esakinan tambe e famia tin nesesidat di tur loke ta muebel pa den kas i kuminda.

For di wikènt último e Asosashon de Dominicanos i Latinos huntu ku e Kònsùl di República Dominicana a aserká e famia pa asina pone nan mes na altura di e situashon i pa wak ku kiko por duna e famia aki un man.

More in Local

MVP Ad
To Top
Close
error: Content is protected !!