Barona ta subi un stap mas cu su tema nobo “Bay”

Ya for di 2023 di forma contundente e cantautor “Barona” a bin ta posiciona su mes hopi bon riba diferente Topnan Musical local cu su propio temanan y como tambe e aparicion nan special cu otro artista.

Barona a bin ta crece eneromente hayando un forza grandi den forma organico e ‘airplay’ na tur station di radio local, ni di papia for di Corsow, Boneiro y diferente station nan Antiyano online na Hulanda.

Aña 2024 a habri bon p’e ya cu e la drenta studio di Markkeys pa pone e version soca remix di “Chick Sexy” cu a resulta un exito aki na Aruba posicionando su mes number uno den e diferente topnan Musical local y cu esaki a hiba’e anima e popular grupo di Carnaval na Corsow. Pero resumiendo Barona a bin ta traha cu diferente productornan p’e mustra su diversidad no solo den su parti fuerte cu ta rap, pero den su pati vocal tambe.

Esaki a hiba Barona basta activo den studio na Aruba p’asina completa su “programa annual di grabacion”, tur su produccion nan cada biaga e lo mustra un stap mas halto y diferente, cu esaki lo bo por wak, skucha y canta un dimencion diferente cune.
Cu tur esaki y algo mas Barona ya caba a presenta pa dos ocasion consecutivo riba e mesun escenario di e popular DJ Adoni y otro figura nan internacional.

E tema nobo aki cu a ser titula “Bay” ta hinka den un Zouk tropical energetico cu fusion pop cu escencia fuerte di sonido nan modern, e tema ta papia di esnan cu tin un relacion c’un solo hende den hende pero tras di camera e ta “Los laga bay” y a la final tur cos ta resulta den un sentimento ficticio y pesey ta tuma e curashi pa bias e persona ey parti di e letra ta bisa: “Bay … bay, pa kico bo’a gaña’mi, p’aki bo’a a bias bo stima’mi”.
E tema aki ta promete hopi ya cu esaki lo ta algo totalmente diferente di loke nos conoce Barona cune, ademas di e tema aki e otro temanan cu tin cla caba lo Sali segun tin esaki nan programa.

Barona ta refleha un otro dimencion den su tema nan nobo y special cu esaki, e diferencia pa miho lo bo skucha’e, wak’e y sinti’e diferencia.