Connect with us
MVP Ad

BANKO SENTRAL TA ATVERTÍ PA WEGA DI PIRAMIT “EXP ASSET”

Local

BANKO SENTRAL TA ATVERTÍ PA WEGA DI PIRAMIT “EXP ASSET”

BANKO SENTRAL TA ATVERTÍ PA WEGA DI PIRAMIT “EXP ASSET”

BANKO SENTRAL TA ATVERTÍ PA WEGA DI PIRAMIT “EXP ASSET” –  WILLEMSTAD.- Un biaha mas Banko Sentral ta atvertí komunidat kontra otro wega di piramit. Ta trata aki dje wega di piramit “EXP Asset”.

Banko Sentral den un aviso ta bisa ku nan a konstatá últimamente ku weganan di piramit ta keda ofresé mas i mas na públiko.

P’esei e instituto bankario ta atvertí públiko i hasta posibel potensial invershonistanan pa e tiponan di wega aki manera “EXP Asset”. e wega aki lo ta keda ofresé komo oportunidatnan legítimo pa gana sèn lihé. P’esei Banko Sentral a duna algun di su ‘link’ nan ku ta kontené informashon i notifikashon entorno di e skemanan di piramit.

Komunidat mester ta atento pa e siguiente puntonan, kual e instituto bankario a yama trampa pa gara hende den e wega di piramit manera: énfasis riba rekrutashon di miembronan nobo; rendimentu haltu riba término kòrtiku; konstrukshon kompliká pa pagamentu di komishon; e produkto òf servisio ofresé ta vago; “sèn fásil’, i por último e meta no ta benta di produkto.

Banko Sentral ta indiká mas aleu ku e lo entamá pasonan preventivo i represivo kontra di solisitantenan no deseá pa frena konstrukshonnan di supuesto piramitnan ku ta violá lei i legislashon di Banko Sentral.

No ta promé biaha ku Banko Sentral ta atvertí kontra e tipo di weganan di piramit.

No muchu luna pasá a sali e wega di “Flor” ku tambe ta un forma di piramit. Ta hinka sèn den e flor i tambe reklutá miembro. “Flor” tabata un “hype” total na Kòrsou. Banko Sentral a saka atvertensia i asina a “para” e wega di “flor”.

Sinembargo tur dia di nobo hende ta sigui purba ku aktonan di piramit i awor esaki yama “EXP Asset”.

Banko Sentral ta pidi kada siudadano di Kòrsou òf St. Maarten si ta na altura di tal wega pa tuma kontakto ku banko na telefòn 434-5500 òf mail: [email protected]

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!