Connect with us
MVP Ad

BANKO LOKAL LO TUMA 8 BANKO VENEZOLANO I ROBBIE’S LOTTERY OVER

Local

BANKO LOKAL LO TUMA 8 BANKO VENEZOLANO I ROBBIE’S LOTTERY OVER

BANKO LOKAL LO TUMA 8 BANKO VENEZOLANO I ROBBIE’S LOTTERY OVER

BANKO LOKAL LO TUMA 8 BANKO VENEZOLANO I ROBBIE’S LOTTERY OVER –  WILLEMSTAD.- Meimei di e mal notisianan ku tin último tempu, tin solushon pa un grupo di kompania i ofisina ku lo nifiká ku no ta bai tin mester di mas retiro. Esaki sigur lo no yuda e kousa!

T’asina ku EXTRA a komprondé di fuentenan hopi bon na altura ku tin un institushon bankario lokal ku lo bai tuma over aktividatnan di e 8 bankonan Venezolano ku tin di bai para nan operashonnan na Kòrsou, i tambe e mesun banko ei lo bira e salbashon pa e grupo di empleadonan di Robbie’s Lottery ku ta riba e trayekto di retiro. Pues e banko aki lo bai tuma aktividatnan di e ocho bankonan Venezolano i tambe e ofisinanan di number.
Manera ta konosí, algun aña pasá Robbie dos Santos, gerente di e kadena di ofisinanan di number, a haña un sla formal na momentu ku Tesoreria Merikano a laga pone beslag riba un suma kuantioso di mas ku $150 mion ku e tabatin depositá aya.

E último desepshon pa dos Santos a bini algun luna pasa despues ku direkshon di MCB a disidí di stòp di brind’é servisionan bankario, loke a nifiká ku el a ser nengá komo kliente dje banko en kuestion. No a dura muchu ku dos Santos a anunsiá siere di tur su ofisinanan di number, a lo ménos aki na Kòrsou, loke ta nifiká ku un kantidat relativamente grandi di hende lo bai kas. Mester bisa ku e movida aki di dos Santos a bini di sorpresa asta pa su propio empleadonan, ya ku e kadena di number aki ta esun ku ta dominando merkado di wega di number legal.
Gobièrnu a kai aden:

Minister di Finansa Kenneth Gijsbertha resientemente durante un reunion públiko a duna di konosé ku gobièrnu lo no laga Robbie’s Lottery pa su kuenta. E kompania mes lo por konfirmá kuantu ta e esfuersonan ku a ser hasí dor di e gobièrnu aki i ku e ta sigur ku lo tin solushon.
Representantenan di gobièrnu a sinta na mas ku un okashon ku tantu Robbie dos Santos, pero tambe ku su representante pa trata di yega na un solushon.
8 banko Venezolano:

Siman pasá tambe EXTRA a informá ku tin 8 banko internashonal ku tin nan operashonnan na Kòrsou lo no por hasi esei mas via di nos sistema monetario aktual. Ta konsiderá ku ta trata bankonan ku riesgo. Aktualmente e palabra “de-risking” ta masha na moda loke a pasa entre otro den e kaso di Robbie’s Lottery. E bankonan venezolano aki ta koriendo e mesun destino.

E bankonan internashonal di Venezuela ta parti di loke Kòrsou ta ofresé komo hurisdikshon den e ambiente di servisionan finansiero internashonal konosí ántes komo sektor offshore. Aparentemente e situashon no masha stabil na Venezuela a pone ku na Kòrsou por lo ménos un banko a anunsiá kaba ku e no ta sigui hasi negoshi ku e bankonan internashonal di Venezuela.

Pero e negosiashonnan a yega na e konklushon ku e operashonnan bankario aki lo bai resortá bou di un banko lokal no-komersial. Si no a yega na n solushon, komo 100 hende mas lo ta riba kaya.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!