Auto a subi caminda dilanti un brommer na Tanki Leendert

Diahuebs atardi riba caminda di Tanki Leendert poco pazuid di e rotonde acero ta sosode un accidente unda chauffeur di un chevrolet celta a subi caminda net momento cu un brommer ta biniendo di zuid.

E brommer a dal den banda robes dilanti di e celta y consecuencia e motociclista a dal abou y keda herida. Ambulance a presenta n’e sitio y paramedico a brinda asistencia n’e motociclista. Polis di trafico tambe tabata presente pa tuma dato, na final ambos vehiculo a keda kita foi caminda.