Auto a lora dilanti motociclista na Hooiberg: Homber a haya basta sla na cara

Diabierna anochi riba caminda principal di Hooiberg poco pabou di Maiky’s ta keda registra un accidente serio entre auto y brommer, di biaha polisnan y ambulance a keda dirigi p’e sitio.

Por a tuma nota di un hyundai elantra memei caminda den banda cu sla na banda robes dilanti, y un harley davidson color preto basta meter pariba kibra benta abou y un helm benta dilanti Maiky’s y un homber herida cu sla fuerte na cabes y wowo.

Polisnan a cera e caminda di biaha, personal di ambulance a presenta y brinda asistencia rapidamente ne motociclista.

Polis a constata cu e auto a bay pa lora na su man robes net momento cu e brommer ta biniendo di pabou. E helm a scapa e motociclista debi si mira e impacto y sla cu el a haya na su cara.