Auto a drenta mondi despues cu pickup a dal den nan banda

Diabierna prome cu 3’or di atardi den area di Seroe Patrishi chauffeur di un pickup hilux coriendo den otro banda a dal basta duro den un toyota camry y pone cu e chauffeur femenino a perde control drenta mondi.

Den e auto tabatin tres hende, dos hende grandi y un mucha menor di edad. Nan tabata spanta y keha di dolor na curpa. Rapid responder di ambulance a presenta pa un control y combersa cu tur hende. Polis di trafico tambe a presenta despues pa tuma dato.