Auto a dal hende y bay dilanti wardi Polis San Nicolas, e persona ta grave

Diahuebs anochi dilanti warda di San Nicolas riba Bernhardstraat ta sosode un accidente fuerte unda un auto a dal un hende homber y bandona e sitio. E impacto tabata fuerte e golpi tur hende a sali te hasta Polisnan den warda a tende esaki y a sali di biaha y a bati alarma di biaha pa manda ambulance cu maximo urgencia.

E homber tabata benta plat abou herida, ambulance a presenta cu maximo urgencia y paramedico a brinda asistencia medico rapidamente, debi ne situacion a bay cu e persona Hospital, polis a cera mayoria rotonde y mantene caminda habri pa ambulance yega hospital.

Polisnan di trafico tambe a presenta ne sitio pa cuminsa cu nan investigacion necesario. A cuminsa tambe na busca forma pa haya e auto cu a causa e accidente serio aki y bandona e sitio.