Auto a dal ciclista na entrada di caya di San Nicolas

Diabierna mainta net n’e entrada di caya principal di San Nicolas den Van de Veen Zeppenfeldstraat a sosode un accidente net momento cu un kia sportage a bay pa drenta e caminda un ciclista a crusa e caminda coriendo riba su bicicleta. E chauffeur no a paga tino y a mishi cu e ciclista y consecuencia el a dal abou y keda levemente herida. Polis tabata presente pa tuma dato. Ambulance tambe a presenta pa atende cu e victima.