Auto a cay den lama y keda riba su dak

Diadomingo atardi na altura di Mangel Halto a sosode un accidente cu a mobilisa varios unidad policial despues di a keda informa cu un auto a cay den lama.

Patruyanan di San Nicolas a presenta di biaha n’e sitio y ta topa cu di berdad un vehiculo riba su dak den lama. E chauffeur mes no tabata den e auto e momento ey. E mes ta haya duda con su auto por a cay den lama, no por descarta si e chauffeur lo a lubida riba e auto den handrem. Na final e mester a busca un compania di towing pa saca e auto foi den lama.