Connect with us
MVP Ad

ASISTENSIA GRANDI PA BUSKA SOLUSHON PA DEBE DI ESTUDIO NA DUO

Local

ASISTENSIA GRANDI PA BUSKA SOLUSHON PA DEBE DI ESTUDIO NA DUO

ASISTENSIA GRANDI PA BUSKA SOLUSHON PA DEBE DI ESTUDIO NA DUO

ASISTENSIA GRANDI PA BUSKA SOLUSHON PA DEBE DI ESTUDIO NA DUO – WILLEMSTAD.- Ayera Minister di Enseñansa, Siensia, Kultura & Deporte sra. Marilyn Alcalá-Wallé i su tim tabatin un enkuentro importante ku eks-studiantenan ku tin debe di DUO.  E debe ku tin na DUO ta un “bottle-neck” grandi atrobe, tumando na kuenta e práktikanan ku ta ser hasí den e asuntu di kobransa di e debe di estudio.

Durante di e “Vierlandenoverleg” riba 7 i 8 di febrüari último, e paisnan den Reino a akordá ku e sistema di midi e forsa ku eks-studiantenan tin ku paga bèk e debe di estudio, ta mes un kos sea e eks-studiante na Hulanda òf na Kòrsou residensia! Den realidat e eks-studiantenan ta mustra ku prueba ku tin un desigualdat den e trayekto di pago bèk.

Tin diferente kaso ku a bini dilanti, manera:
– ora bo ta kasá ya ta konta e dos entradanan huntu, i tur dos eks-studiante su debe ta keda kalkulá a base di e salario akumulá, pues ta hasi komo si fuera kada unu ta gana dos salario, i ta wòrdu obligá di paga dòbel pa luna.
– salarionan ku a baha, pero e suma mensual di pago a bira dòbel;
– eks-studiantenan ku ta pagando basta aña, pero e debe ta keda oumentá enbes di baha;
– eks-studiantenan ku ora nan tabata residensia na Hulanda tabata paga € 160 euro i awor ku nan a yega Kòrsou, ku salario mas abou nan ta paga €400;
– ta manda eks-studiantenan deurwaarder, sin ku nan a risibí petishon di DUO pa pago;
– deurwaarder ku ta kobra sumanan eksagerá pa eks-studiante paga;
– DUO su servisio na kliente no tin konosementu di kasonan i ku no por atendé nan;
– pòst ku no ta yega, siendo pa resolvé e problema aki den pasado a palabrá ku ta hasi e komunikashon di forma digital.

Ministerio di Enseñansa ta bai sòru konforme e palabrashon pa bini ku mas kampaña di informashon.  Ademas a hasi e palabrashon ku Minister Alcalá-Wallé ta bai aserká su kolega Minister Ingrid van Engelshoven pa pone na altura di e situashon ku a presentá, i ku DUO su presensia ta rekerí.

Alabes Stichting Studiefinanciering Curaçao (SSC) ta keda disponibel pa yuda yena e formulario di “Draagkrachtmeting”.

Ministerio ta pone un kolaborador disponibel den persona di sra. Rossy Reyna ku ta e punto di kontakto: +5999 7324324. Ta bai habri un mail adrès spesial pa atendé ku e diferente kasonan pa dokumentá lokual ta pasando.

Parlamentarionan presente (sra. Ana Maria Pauletta, sra. Gisette Seferina, sr. Jeser El Ayoubi) a komprometé nan mes pa pasa e lei di deurwaarder mas rápido posibel despues di reseso.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!