Connect with us
MVP Ad

ASESINO DI HAMON GIRIGORIE MANDA KIA PA 14 AÑA

Caribean

ASESINO DI HAMON GIRIGORIE MANDA KIA PA 14 AÑA

ASESINO DI HAMON GIRIGORIE MANDA KIA PA 14 AÑA

ASESINO DI HAMON GIRIGORIE MANDA KIA PA 14 AÑA – ORANJESTAD.- Cu cabes abou Ilbert Maduro a keda scucha e sentencia di Corte den e caso contra dje pa asesinato di Harmon Girigorie. Un hecho cu a sosode dia 16 di october, 2018.

Den Corte el a splica cu su buchi a yega pa motibo di e continuo molester c unan, su pareha tambe, tabata ricibi di Girigorie. E ultimo aki ta keda pasa dilanti nan cas tira palabra, inclusive e anochi di e sucedido aña pasa.

Pero Hues a bis’e cu esaki no ta motibo pa a kita vida di un persona.

Diabierna mainta Hues a cuminsa a bisa e acusado cu e ta declar’e liber di e acusación principal, cual ta “Moord”, asesinato premedita. No a proba cu e cos aki tabata planea

A tene cuenta cu el a tira riba e victima na un distancia hopi cortico y dirigi. Y no solamente esey, pero tambe a keda tira coriendo su tras. E no a stop sino te ora cu e ultimo tiro a alcansa e victima den cabes y el a keda na suela sin bida. “No por ta otro cu e intencion tabata pa mate,” Hues a bisa. Pues aunke cu e no tabata premedita (planea adelanta), na momento di e sucedido el a actua intencional, ya cu el a sigui su tras ora cu e homber a cuminsa core. E tabatin chens e momento ey pa hala atras, pero no a hacie.

E acusado a bisa cu e tabatin miedo pasobra e victima ta peligroso y ta conoci cu tin arma. Na momento cu nan tabata discuti e homber a bay pa dal’e y pensando cu e tin arma, el a saca esun di dje. Pero esaki no tabata e caso, Hues a bisa den e sentencia. Ora cu Maduro a saca e arma, Girigorie a core bay, a drenta Julio’s pa trata di busca proteccion, mustrando cu e no tin nada pa defende su mes sino uno stul cu el a tira riba e agresor. Y despues hasta el a trata di huy bay for di e sitio pero Maduro a siguie.

Tur e ariba menciona ta mustra cu el a actua intencional.

Hues a bisa tambe cu el a tene cuenta cu e raportahe psychologo y e hecho cu nunca antes Maduro a yega di haya su mes envolvi den un situacion asina. A tene cuenta cu castigonan cu ta impone den tipo di casonan asina. No por kita afo cu Maduro a causa hopi dolor na famia di e victima, kende a wordo ranca for di nan den forma violento; mayornan y rumannan ta pasando den hopi dolor. Mirando tur esaki, e Magistrado a bisa cu loke cu Fiscal y OM a pidi como castigo ta uno adecuado pa cual e ta bay di acuerdo cun’e. “Mi ta condenabo na 14 aña di castigo.”

Segun nos por a compronde, e acusado a wordo adverti caba cu e hecho cu el a comete ta encera un castigo basta halto. Awo ta bay mira si e ta acepta esaki of ta apela e decision. SI e acepta e castigo cu bon comportacion, e lo sinta aproximadamente 10 aña.

Mester bisa cu famia di e victima a yega laat, pues ora cu sentencia a wordo lesa caba.

Continue Reading
Advertisement
You may also like...

More in Caribean

MVP Ad
To Top
Close
error: Content is protected !!