Diasabra ultimo dia 22 di November, Arubaanse Padvindsters Gilde a celebra dia internacional di derechonan di mucha en grandi cu tur su miembronan.
Directiva a prepara un programa super leuk pa tur e muchanan.
Riba e dia aki e muchanan a marcha riba e ritmo di APG su drumband y despues a prepara pa e programa oficial.
E muchanan a haya diferente demostracion di Mobile Eenheid (ME), Ambulance, Politie y Motor-unit. E demostracionnan a bay super leuk.
Pa nos mucha muhernan mas grandi, sra Karol Alders a haci un demostracion di self-defence.
E atardi a termina cu nos amigonan di Brandweer caminda nan a bin muha tur nos muchanan. Riba cara di cada mucha por a wak cu nan a disfruta di esaki. Na final tur mucha a bay cas cu un saco carga carga y un regalito.
Na final, directiva di Arubaanse Padvindsters Gilde kier a gradici tur comerciante cu a contribui na e bunita actividad aki:
El Louvre Witec, Dyon Center NV, Satex Agencies Aruba, Oduber Agencies y tambe ATHA (Asociacion Trabou di Hunbentud Aruba).
Un danki tambe na tur nos superheroenan cu a pasa na nos actividad: Korps Politie Aruba cu nan Mobiele Eenheid y Motor Unit, Ambulance Zorg di ImSan y Brandweer Aruba. Tambe na Carol Alders pa su seccion di defensa propio.
Y sigur na tur muchanan cu a bin e celebracion di dia internacional di Derechonan di mucha y nos lidernan cu sigur a duna un man pa e celebracion aki.
Source link
