Aruba tin un BOA (Buitengewoon Opsporingsambtenaar) mas – Aruba Native

Diabierna atardi, Minister di Husticia mr. drs. Arthur Dowers a ricibi sr. Patrick Henriquez na su oficina pa un ceremonia special. Henriquez ta den servicio di Directie Natuur en Milieu y despues di a sigui e curso intensivo di Buitengewoon Opsporingsambtenaar (boa), awo Henriquez tin e autoridad pa duna multa pa infraccionnan riba tereno di naturalesa y medio ambiente.

Cu a huramentacion aki, awo Aruba ta conta cu un  buitengewoon opsporingsamtenaar mas cu tin autoridad segun nan funcion y nan nombracion specifico. Buitengewoon opsporingsambtenaren tin autoridad limita compara cu agentanan policial, pero ta fortifica e maneho di control y aplicacion di nos leynan.