Aruba ta conoce un caso mas lamentabel – Aruba Native

Oranjestad Aruba – Diasabra den oranan di anochi lamentabelmente Aruba ta conoce un otro caso di suicidio. Ta trata di un persona masculino.

Mesora a pone e departamentonan concerni na altura.
Manera e protocol ta indica, di parti autoridad a start nan investigacion unda cu a usa e departamento tecnico di polis.

Slachtofferhulp y tambe dokter a presenta, y na final un cas funeral a presenta pa hiba e curpa.

Mester bisa cu apenas aña a cuminsa cu Aruba ta registrando varios di e casonan aki un tras di otro. Pues no mucho tempo di e otro casonan di e aña aki.

Cu algo mester wordo haci, esey ta un hecho. Y no ta 1 instancia pero esaki ta trabou di varios instancia[departamentonan] cu ta maneha e tereno aki.

No ta e momento pa sinta tira culpa riba otro, ta momento pa actua.

Si abo of un persona cu bo conoce tin
pensamentonan di suicidio, por favor yama
Respaldo na (+297) 5815000 o yama Dr: Horacio
E. Oduber Hospital na (+297) 5274000 pa ayudo.