Connect with us
MVP Ad

ARUBA POR WORDO PONI BAO DI CURATELA PA GOBIERNO DI REINO

Caribean

ARUBA POR WORDO PONI BAO DI CURATELA PA GOBIERNO DI REINO

ARUBA POR WORDO PONI BAO DI CURATELA PA GOBIERNO DI REINO

ARUBA POR WORDO PONI BAO DI CURATELA PA GOBIERNO DI REINOORANJESTAD.- E ley nobo di LAFT cu Parlamento a pasa dia 6 di juni ultimo, ta na Gobierno ainda sin cu a firma esaki. Riba su mes, nada inusual, pasobra ‘ta tuma entre 1 pa 2 siman pa Gobierno ‘ratifica’ (bekrachtig) e ley.

Asina NoticiaCla a publica ayera riba su portal, cu a hala nos atencion. Segun NoticiaCla su investigacion, nan a saca afor di investigacion haci riba e tema.

Speculacion pakico e ley no ta firma ainda, ta hopi sinembargo. Pero informacion cu e portal di NoticiaCla aki tin, ta cu Gobierno lo kier warda kico Rijksministeraad ta haci dia 5 di juli proximo.

Hulanda formalmente no a reacciona ainda y manera cu e protocol di LAFT tabata bisa, ‘RMR mester aproba e ley prome cu e drenta na vigor’. Algo cu Parlamento a cambia, pero cual cambio no a drenta na vigor ainda.

CONCEPTO

Manera ta conoci, e concepto di ley original a cambia practicamente completo. Como tal e concepto cu tin awor riba mesa t’esun manera cambia dor di Parlamento via e amienda. Parlamento tin e derecho pa cambia conceptonan di ley entrega na nan dor di Gobierno (recht van amendement).

Unabes cambia por medio di un amienda e concepto manera cambia, ta sigui. Esey ta nifica cu ta riba esey siguientemente mester dicidi si ta ‘ratifica’ (bekrachtig) e ley of no.

 RATIFICACION

Manera cu e portal di NoticiaCla a compronde, un scenario ta cu Gobierno por pidi Raad van Advies conseho si por ‘ratifica’ (bekrachtig) e concepto manera cambia dor di Staten, ya cu esaki ta hopi diferente n’esun cu Gobierno a entrega na Parlamento y riba cual Raad van Advies a ser scucha.

A haci Gobierno e pregunta kico t’e status di e ley pero no a haya reaccion ainda. A confirma si cu e ley no a wordo publica ainda pa medio di un ‘Afkondigingsblad’, pues esey kier men cu e no a wordo firma.

Ta na momento cu un ley wordo publica bo por bisa cu e ta na vigor. Na 2014, ora cu a bin tardansa pa firma e presupuesto di 2014 den un ley, a bin compronde cu e tabata pega na Gobernador di e tempo ey, cu a dicidi pa no firm’e manera cu e tabata.

Nos conclusion ta cu Hulanda riba su mes por interveni y/of ta laga Gobernador destrui e concepto aki y asina lo tuma decision cu nan mes lo tuma over control di maneho di aspectonan financiero di Aruba. Cu otro palabra Gobierno di Reino mes ta pone Aruba bao di curatela.

Continue Reading
Advertisement
You may also like...

More in Caribean

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!