Aruba Airport Authority ta reanuda operacionnan despues di incidente di siguridad

Aruba Airport Authority N.V. (AAA) ta confirma cu operacionnan di aeropuerto a reanuda completamente despues di un incidente di siguridad mas trempan awe riba un avion cu tabata na caminda pa Aruba.

Den liña cu e protocolnan di siguridad estableci, a suspende e operacionnan di aeropuerto tenporalmente pa permiti e autoridadnan local evalua e situacion. Como medida di precaucion, a retrasa, desvia, para of cancela varios vuelo durante e periodo aki.

Despues di un evaluacion profundo realisa door di e autoridadnan concerni, a resolve e situacion y a reanuda e operacionnan di un manera sigur. Tur accion tuma tabata di acuerdo cu e proceduranan di siguridad di aviacion.

AAA ta extende su aprecio na pasaheronan, partnernan di aerolinea, y personal di aeropuerto pa nan pasenshi, cooperacion y profesionalismo durante henter e incidente.

Ta conseha e pasaheronan pa controla directamente cu nan aerolinea pa informacion mas actual tocante nan orario di vuelo.

Aruba Airport Authority ta reitera cu siguridad di e pasaheronan, e trahadonan y partnernan ta keda un prioridad.