Connect with us
MVP Ad

APLICA SANCIONNAN MAS SEVERO CONTRA TUR CU TA FACILITA ILEGALIDAD

Caribean

APLICA SANCIONNAN MAS SEVERO CONTRA TUR CU TA FACILITA ILEGALIDAD

APLICA SANCIONNAN MAS SEVERO CONTRA TUR CU TA FACILITA ILEGALIDAD

APLICA SANCIONNAN MAS SEVERO CONTRA TUR CU TA FACILITA ILEGALIDADORANJESTAD – Momento cu bo tin hende na Aruba cu ta yuda stranheronan drenta nos isla di un forma ilegal, dunanan un dak pa nan keda, yudanan cu trabou sin permiso…tanten cu no tin consecuencia pisa, nan lo sigui drenta.

Robert Candelaria, Parlamentario di fraccion di AVP den Parlamento ta disgusta cu e forma con Gobierno ta atendiendo cu e tema aki, nan falta di tuma decision, falta di regla hermentnan necesario pa polis y falta di suministra suficiente informacion na pueblo.

Hopi ta puntrando si nos leynan na vigor ta sostene multa of sancion mas pisa na momento cu descubri esnan cu ta facilita ilegalnan pa keda nos isla. Lamentablemente e contesta ta NO, ainda falta hopi ta locual cu Robert Candelaria, ex Alto Inspector di Polis a bisa.

E Ley di LTU, manera menciona anteriormente, t’esun cu por tabata e solucion. Minister Andin Bikker di su banda a sali y bisa cu e lo bin cu un Ley di LTU nobo, pa duna Polis e autoridad bek pa controla ilegalnan.

Minister Bikker a logra solamente cu e autoridad. Pero falta un lista di asunto mas pa atende. Na momento cu tin hende ta duna nan trabou, ofrece lugar pa keda, facilitando pa nan subi tera y funciona ilegal aki, ey nos tin cu actua!

Articulonan manera p.e. di mensenhandel/mensensmokkel, nan ta bay basta leu, pero den su pensamento mester bay un stap mas riba leynan laboral, leynan di “medepleging” y “medeplichtig” den e tipo di actonan aki.

“Tin cu actua asina duro riba nan, cu for di ora cu nan ta na Venezuela y pensa di kier sali di su pais e bisa: Aruba no!”, di acuerdo cu Parlamentario Candelaria.

E ta para riba cu tin cu keda pone asuntonan den balans, nos tur ta convivi cu e situacion na Venezuela, pero un isla chikito di 100 y pico mil hende no por ta un solucion pa un pais di 40 miyon hende. Ta imposibel!

P’e motibo aki mes, mester percura pa cuida nos frontera, cu nos ley y institutonan cu nos tin den husticia trahando hunto. Pero lamentablemente no sa mas con pa vocifera y haci e apelacion n’e Gobierno aki.

Para na banda y critica NUNCA tabata su estilo, alcontrario, dunando ideanan concreto, bisando e Minister haci esaki, tuma esaki, pone esaki funciona y lo bo mira fruto ta palabranan di Robert Candelaria.

Naturalmente e no ta spera cu e lo haci 100% locual e ta sugeri, pero mirando cu awor nos t’asina hopi atras, asina hopi oportunidad facil nos dilanti pa nos por a actua y no ta haciendo, ta incombrendibel.

Parlamentario Robert Candelaria tambe a trece dilanti cu e suma (+/- 24 miyon euro) cu Hulanda a pone disponibel pa Aruba y Corsou pa por combati/maneha e problematica di ilegalnan yegando nos isla. E ta spera cu Gobierno pone prioridadnan den e ordo corecto, con y unda e necesidadnan ta, p.e. na personal y/o material y pa maneho. Algo cu sigur no tin ni bista mas riba dje ta, cu no ta solamente e hendenan cu ta drentando ainda, pero tambe esnan cu a drenta caba cu ta pisa riba nos sistema di salubridad, enseñansa, laboral y mas.

Momento cu Hulanda a bisa bo cu e tin un suma disponibel, ta cu plannan concreto con pa haci uzo di e fondonan aki Bo mester presenta pa combati e problema.

Despues di 2 aña na mando y tanto problema den husticia, ta birando un asunto alarmante. Como Parlamentario ta unico cos cu por keda haci ta di pone Gobierno bou presion, den Parlamento y di comunidad, mustrando unda por cambia maneho y unda tin pa drecha, pero na final di dia ta keda na Andin Bikker y su Gobierno pa actua.

Di tur angulo a scoge pa yuda cu sugerencianan, enfoca riba locual no ta funciona, pasobra na final di dia ta Minister tin cu actua y lidera.

Pa finalisa Robert Candelaria a bisa cu e tey pa traha y sirbi bienestar di nos pais. E ta spera cu Minister por mira esaki, e como abogado tin un otro background cu di dje, esnan cu ta na banda y ta vociferando no ta haci’e pa pone bo den luz negativo, pero mas bien ta, pasobra tin cosnan cu realmente ta na bienestar di e pais y como oposicion t’e limitacionnan cu ta trece cune pa pone cosnan pasa. Ora ta papia di bo frontera, tin cu yega hunto, no ta papia di partido, pero di nos pais y ta hunto nos tin cu para pa defend’e!

Continue Reading
Advertisement
You may also like...

More in Caribean

MVP Ad
To Top
Close
error: Content is protected !!