Apartamento a pega candela na Dr Schaepmanstraat

Un noticia cu nno a keda publica di dialuna anochi laat riba masnoticia debi na drukte, tabata un apartamento cu a pega candela dialuna anochi laat na dr Schaepmanstraat pega cu macro.  Bomberonan y Polis a keda dirigi cu maximo urgencia pe sitio. Aki bomberonan a drenta accion di biaha pa combati e candela den e cas parti patras.

Ambulance tambe a presenta unda paramedico a brinda asistencia na hende cu a bira malo debi ne huma. A notifica personal di ELMAR cu tambe a presenta rato despues di a keda notifica pa kita coriente foi e cas. E persona cu ta biba den e cas tambe a presenta y mira e situacion con su vivienda a keda.