Ambulance a haya cuatro auto nobo

Diaranson atardi pafo di IMSAN e director a anuncia oficialmente cu porfin despues di basta aña ta warda cu awor e cuatro auto nobo ta cla pa subi caya pa brinda asistencia na comunidad. Un atardi ameno cu hopi hende presente, minister, parlamentario personal di IMSAN, AZV y e paramediconan.

Director di Imsan srJoel Rajnherc a duna palabra na tur esnan cu a duna un man financieramente fo’i Imsan, Minister, Azv pa asina Aruba por haya cuatro auto nobo debi cu esunnan cu tin ya tin nan aña caba. Tambe Joel Rajnherc a gradici personal di Curacao cu a yudanan busca e dos box, y un otro personal pa busca e ford transit. A gradici e garashi unda nan a spuit di ambulancenan basta lihe y sticker esaki completo y pone e luznan manera cu Aruba kier cu ta blauw cu cora.

Na final Minister Dangui Oduber a duna Joel Rajnherc e cuatro yabi y asina dr Joel Rajnherc a duna Liberato Hoek cu ta e hefe di ambulance dienst e yabinan oficialmente.

Na final personal di Ambulance a start e autonan y cende e sirena y luznan. Tambe a habri e ambulance pa mira paden y tin ekiponan sofistica momento di un reanimacion tambe.