Connect with us
MVP Ad

AKUSADO PRINSIPAL DEN KASO ASESINATO NA PENSTRAAT

Local

AKUSADO PRINSIPAL DEN KASO ASESINATO NA PENSTRAAT

AKUSADO PRINSIPAL DEN KASO ASESINATO NA PENSTRAAT LO KEDA SKUCHÁ KOMO TESTIGU DEN HOF

AKUSADO PRINSIPAL DEN KASO ASESINATO NA PENSTRAAT LO KEDA SKUCHÁ KOMO TESTIGU DEN HOF

Despues di a kambia deklarashon kontra esun akusá di a paga pa mata Chado

WILLEMSTAD,-  Djaweps awor durante un kaso di “regie zitting” den korte di apelashon, hof lo bai skucha e akusado prinsipal di e kaso di asesinato ku a haña Gabilan.

Ta trata di e kaso di kual e víktima Gerald Nicolina alias “Chado” di 39 aña , a keda asesiná kruelmente  riba su kama dia 5 di febrüari 2017 , momento ku dos hòmber a drenta su kas pone su tata bou di menasa ku arma , miéntras e otro a  bai te den kamber i tira e víktima na soño mata.

E akusado prinsipal Shervienne  Martina(26) ku a keda kondena na 18 aña di kastigu, akusá di ta esun ku a asesiná Chado, lo bai keda skucha  komo testigu klave den e kaso aki, bou di petishon di e akusado di edat avansá Roberto Roozendaal (70) ku tambe a keda kondená  na e mesun kastigu, akusá di ta esun ku a paga i ordená morto di Chado.

E otro dos akusadonan  Shurendy Castillo (36) i  Michael  “Chamo” Valdez (21) a keda kondená na 16 aña miéntras.

Castillo,  Valdez  i Roozendaal ta esnan ku a apelá nan sentensia.

Martina mes no a apelá.

E akusado Valdez a atmití ku e ta esun ku a tene e tata di  e víktima bou di menasa.

Martina a ninga di ta esun ku a asesiná Chado i a kambia su deklarashonnan durante tratamentu di e kaso den korte di promé instansia, despues di a deklará na polis di a haña 12 mil dòler serka Roozendaal, pa duna Castillo, pa parti den nan, mirando ku ta Castillo ta esun ku a buska nan pa hasi e trabou pa Roozendaal.

Roozendaal  a ninga di a paga pa laga kometé e asesinato i a bisa ku e no sa nada di e kaso ei.

Durante tratamentu di e kaso den korte di promé instansia, fiskal a  bisa tambe ku Roozendaal ta esun ku a duna Castillo òrdu pa buska hende, pa asesiná Chado, mirando e rabia ku e tabatin den su kurpa paso Chado a haña e maneho di e playa Boka Simon.

Castillo a aserka  Martina i Valdez  ,  sòru pa outo di fuga, paña i arma pa nan bai kometé e akto.

Abogado di Roozendal mr Awadhpersad durante e ‘regiezitting” anterior, a duna di konosé  ku e akusado prinsipal Martina, a  deklará durante tratamentu di e kaso  den promé instansia, ku Roozendaal no tin nada di aber ku e kaso di asesinato di Chado.

Esaki ta e motibu ku e abogado a pidi pa skucha Martina komo testigu durante tratamentu di e kaso den korte di apelashon djaweps binidero.

Pa loke ta trata Castillo el a insistí ku e tampoko no tin nada di aber ku e kaso.

E tribunal di hof a bai di akuerdo pa  entre otro skucha Martina  .

E kaso lo keda trata djaweps den pro forma di kual lo bai tende e fecha nobo pa e tratamentu ku kontenido di e kaso den hof kaminda 3 hues lo bai husga e kaso di nobo.

Continue Reading
Advertisement
You may also like...

More in Local

MVP Ad
To Top
How to whitelist website on AdBlocker?

How to whitelist website on AdBlocker?

  1. 1 Click on the AdBlock Plus icon on the top right corner of your browser
  2. 2 Click on "Enabled on this site" from the AdBlock Plus option
  3. 3 Refresh the page and start browsing the site
Close
error: Content is protected !!