Connect with us
MVP Ad

AINDA DUANA NO POR KONTROLÁ KÒNTEINER YUDANSA PA VENEZUELA DI VENEX

Local

AINDA DUANA NO POR KONTROLÁ KÒNTEINER YUDANSA PA VENEZUELA DI VENEX

AINDA DUANA NO POR KONTROLÁ KÒNTEINER YUDANSA PA VENEZUELA DI VENEX

AINDA DUANA NO POR KONTROLÁ KÒNTEINER YUDANSA PA VENEZUELA DI VENEX –  WILLEMSTAD.- E kònteinernan ku yudansa humanitario ku a yega for di Puerto Rico/ Merka pa bai Venezuela, ainda no a pasa kontròl serka duana. Esaki tin di aber ku papelnan ku ainda no ta kla. For di 23 di febrüari e barku a yega ku yudansa humanitario pa Venezuela kual a keda kordiná dor di sektor privá. Aki Venex lo a kordiná e yudansa pa yega Venezuela. Pero ainda e kònteinernan ta riba haf. Esaki ta loke ku promé minister Eugene Rhuggenath  a duna di konosé den parlamento.

 

Parlamento a deliberá ku promé minister riba e akuerdo di Kòrsou komo hub pa yudansa humanitario pa Venezuela.

Promé minister Rhuggenaath a splika ku e produktonan ku TUI a trese dia 3 di aprel ta pakete medisinal. Ta trata di kuater kit ku tin un peso di 1200 kilo ku por yuda nesesidat di 40 mil hende den periodo di tres luna. E kit nan aki lo yuda ku e skarsedat básiko medisinal den hospitalnan i institutonan di kuido na Venezuela.

 

Si wak e akuerdo mester kumpli ku leinan i reglamentu di Kòrsou. Den e kuadro aki duana tin full outoridat di wak e produktonan ku tin den e kahanan. Duana a hasi su trabou konforme lei i reglanan ku ta konta pa duana. Esaki tabata parti di prosedura ku a  diseñá i determiná promé ku e produktonan a yega.

Mas aleu promé minister a bisa ku ora a tuma e desishon ku Kòrsou ta disponibel pa fungi komo hub logístiko, a deliberá ku otro outoridatnan i organisashonnan ku tin di forma parti di e hub logístiko aki, pa deliñá e prosesonan di trabou ku ta forma parti dje hub logístiko i duana a hunga ròl importante den esei. Duana tin full outoridat pa hasi kontròl den kuadro di nan tarea. Pues mester konfiansa den nos kuerpo di duana.

 

E promé mandatario a bisa di ta keda ripití ku Kòrsou ta kla pa yuda Venezuela di forma pasífiko i ku frontera habri pa tur venezolano. A konfirmá esaki den último kombersashon ku a tuma lugá na Washington inkluso ku “State department”. E valides dje tratado ta tanten e hub ta vigente i tin un periodo máksimo di 1 aña.

E kitnan ku a yega for di Merka, nan mes ta manehá i kontrolá kaminda ta tene kuenta ku vensementu di e remedinan.

Pa loke ta trata e karga ku a yega 23 di febrüari ku a bin for di Puerto Rico/Merka ta di inisiativanan privá. I a yega Kòrsou pa e organisashon Venex kende lo a sòru pa e yudansa aki yega Venezuela.

Kòrsou no a partisipá den dje. E kònteinernan ta na haf, i ta ora duana kontrolá nan, nan por bai den e lugá di warda konforme regla di duana.

E grupo privá a pidi Venex pa regla esaki, pero tanten e papelnan ofisial no keda regla di parti e grupo priva, Venex no por yega na e produktonan. E produktonan aki no a bini komo parti di e yudansa di hub logístiko, tampoko komo parti di e tratado ku a firma ku Merka. Ta trata di un inisiativa privá i a traha ku kompanianan privá riba nos isla, i aki e ròl di duana pa kontrolá ta konta tambe.

Continue Reading
Advertisement
You may also like...

More in Local

MVP Ad
To Top
Close
error: Content is protected !!