Aeropuerto di Aruba ta reconoce e gran impacto cu cierre di aeropuerto a causa awe. Debi na un problema tecnico, 39 buelo a ser cancela, afectando plan di biahe di mas o menos 4,000 pasahero.
Durant’e anochi, un problema tecnico serio a tuma luga den nos sistema di airco debi na un ruptura den e “chiller pipe” principal. Esaki a resulta den un subida di temperatura den di terminal, creando un ambiente cu por compromete salud y siguridad di tur persona presente.
Despues di delibera, nos a tuma e desicion dificil pa para temporalmente tur operacion di aeropuerto y sera e aeropuerto. E paso aki tabata esensial pa garantisa e seguridad di nos pasahero, empleado, y comunidad di aeropuerto. Mirando cu no tabatin solucion inmediato disponibel pa restora e airco den tempo corto, tabata necesario pa tuma medida proactivo pa preveni riesgo di salud relaciona cu temperatura halto y e humedad riba e piso cu ta forma dor di e condensacion door di e cambio di temperatura.
Pa garantisa seguridad di tur pasahero, nos a evalua disponibilidad di kamber di hotel. Hopi camber tabata reserva caba pa pasahero cu ta yega, pero cu e cierre, por acomoda nan cu esakinan, pa duna pasahero cu ta no por a biaha mas un luga confortabel pa keda mientras cu nos ta atende e situacion.
E sistema di airco ta funcionando completamente atrobe y tur pasahero a ser acomoda. Nos ta trahando di cerca cu tur aerolinea pa maneha rebooking di vuelo y asina sigura cu pasahero afecta ta haña e sosten necesario. E aeropuerto lo habri atrobe mañan 7or di mainta.
Nos ta pidi disculpa na tur pasahero pa e inconveniencia cu e cierre aki a causa. E siguridad di nos pasahero y empleado ta keda nos prioridad den tur desicion. Nos ta aprecia boso comprension y sosten mientras cu nos a nabega e desafio aki.
Por fabor tuma contacto cu aerolinea pa update di vuelo i bishita https://www.airportaruba.com/ pa informacion mas reciente.
Source link
