Aduana: Tin tardansa den yegada di barco di container pa Aruba

Departamento di Aduana ta informa clientenan lo siguiente pa loke ta nos servicio en conexion cu tardansa den yegada di barco di container.
E barco di container cu ta bin Aruba semanalmente riba diamars for di Miami, ta yega e siman aki mas laat cu ta planea. E barco ta awor planea pa yega diahuebs 13 februari den oranan di anochi y lo wordo descarga diabierna 14 februari 2025. E agencia di e barco aki lo descarga e containernan frieuw prome. Den e caso aki Aduana lo duna preferencia na e containernan frieuw.
Cu e barco ta yega diahuebs y lo wordo descarga diabierna, lo por trece consecuencia pa importadornan y/of comerciantenan. Aduana lo haci su maximo esfuerso pa duna servicio caminda tin mester pa no stagna e fluho di carga.
Pa mas informacion por tuma contacto cu e agencia di barco of cu bo broker.
Nos ta pidi pa tene cuenta cu e informacion comparti y si tin un update nos lo informa.