Accidente serio riba Sasaki: Auto y truck a dal basta duro

Diabierna pasa di 3:30 atardi riba Av Nelson Oduber ex Sasaki ta sosode un accidente serio entre dos vehiculo, un hyundai santa fe y un truck di compania di carga. Polis, ambulance y brandweer a keda dirigi debi cu a keda informa cu e accidente ta basta pisa y tin varios persona herida.

Na yegada di Polis y brandweer ta topa cu un situacion dificil y a cera e caminda di biaha. Bomberonan a cuminsa na corta e santa fe pa saca e chauffeur pa paramedico atende cune di biaha. Unidadnan di ambulance tambe a keda dirigi y a presenta di biaha, pa brinda asistencia na tur envolvi, pero e chauffeur di e santa fe so tabata necesario pa bay hospital. A controla e chauffeur di e truck pero no tabata herida y di atencion pa bay hospital.

Specialista di trafico tambe a presenta pa haci nan investigacion, y declaracionnan a saca afo cu e chauffeur di e santa fe a perde control dal den un toyota van pa despues a bay dal contra un truck di carga.