Diadomingo anochi net dilanti di dior supermarket na Pos Chikito ta keda registra un accidente semi frontal cu impacto fuerte unda un persona a keda herida. Di biaha polisnan a keda dirigi pe sitio. Na yegada di patruya ta topa cu un chevrolet aveo y un toyota markx. Velocidad y falta di pone atencion den trafico a hunda un rol cu e markx a dal basta duro semi frontal den e chevrolet, y pone cu e chevrolet a bay atras y pega den autonan staciona dilanti un cas.
E daño ne chevrolet tabata basta, ambulance tambe a presenta y paramedico a brinda asistencia medico. Polis di trafico a tuma tur dato, polis a pone e chauffeur di e toyota pasa test di alcohol y a keda deteni pa core auto bebi.