Accidente semi frontal na Pos Abou y dos persona a keda herida

Diabierna pasa di 8’or mainta riba caminda di Pos Abou den e birada ta sosode un accidente fuerte unda dos auto a dal duro semi frontal debi na caminda muha. E impacto a laga chauffeur di un chevrolet aveo herida cu sla na curpa y un chauffeur di un van tambe cu dolornan na curpa debi n’e impacto.

Dos unidad di ambulance a presenta unda paramedico a brinda asistencia medico na ambos chauffeur y nan a keda transporta pa hospital. Polis di trafico tambe tabata presente y a saca potret di e accidente completo hunto cu departamento tecnico, ya cu un di e chauffeurnan a haya basta sla na curpa.